مہاجراورپختونوں کو لڑایا جا رہا ہے،پشتواوراردو بولنے والے عہد کریں کہ ہرسازش کوناکام بنا دیں گے۔ الطاف حسین

یکجہتی کیلئے پیغام محبت جلسہ منعقد کیا گیا۔ جلسے میں اردو بولنے والوں اور پختونوں کی ایک بڑی تعداد نے شرکت کی۔جلسے سے خطاب کرتے ہوئے ایم کیو ایم کے قائد الطاف حسین نے کہا کہ پختونوں اور اردو بولنے والوں کے درمیان اتحاد کی کمی آج کے جلسے میں شرکت کے بعد ختم ہو گئی ہے۔ انہوں نے کہ سازشی عناصر پختونوں،سندھیوں اور اردو بولنے والوں کو آپس میں لڑا رہے ہیں لیکن ان کی تمام سازشیں ناکام بنا دی جائیں گی۔ان کا کہنا تھا کہ پختون بھی الطاف حسین کے بھائی ہیں،ایم کیو ایم کے کارکن پختونوں کے کاروبار کی حفاظت کریں۔
الطاف حسین نے کہا کہ ملک کی بقاء اور سالمیت صرف جمہوریت میں ہے، تمام ادارے اپنے دائرہ کار میں رہ کر کام کریں، ایسا نہ کیاتو ملک تباہ ہو جائے گا۔انہوں نے کہا کہ پاکستان چاروں طرف سے مسائل میں گھرا ہے ایسے وقت میں نفرتوں کے بجائے اتحاد کی ضرورت ہے۔ الطاف حسین نے کہا کہ ایم کیو ایم حقیقی انقلاب کی ضامن ہے اگر ملکی ایوانوں میں غریبوں اور مظلوموں کی نمائندگی ہے تو ایم کیو ایم کی وجہ سے ہے۔ جلسے کے اختتام پر پختون مہاجر بھائی بھائی کے نعرے لگائے گئے۔