اسلام آباد (عترت جعفری) وزیراعظم راجہ پرویز اشرف حکومت کی اہم حلیف جماعت ایم کیو ایم کی قیادت کا شکریہ ادا کرنے کے لئے نائن زیرو کراچی جائیں گے جبکہ کنگری ہاﺅس جا کر پیر صاحب پگاڑا سے بھی ملاقات کریں گے اور ان کا قومی اسمبلی میں حمایت کرنے پر شکریہ ادا کریں گے۔ وزیراعظم آج مزار قائد پر حاضری دیں گے، مزار قائد انتظامیہ کے مطابق مزار قائد آج عوام کیلئے بند رہے گا۔ وزیراعظم راجہ پرویز اشرف گڑھی خدا بخش بھی جائیں گے۔ اس موقع پر وہ پیپلزپارٹی کے بانی اور سابق وزیراعظم ذوالفقار علی بھٹو، پیپلزپارٹی کی شہید چیئرپرسن اور سابق وزیراعظم بے نظیر بھٹو کے علاوہ دیگر کے مزاروں پر فاتحہ خوانی کریں گے۔