لاہور (سٹاف رپورٹر)نیب لاہور نے زمینوں کے فراڈ میں ریٹائر بریگیڈرسمیت 5افراد کو گرفتار کر لیا ۔معلوم ہو اہے کہ ڈیفنس کنال روڈ پروجیکٹ کے دوران زمین کی خریداری کے حوالے سے بریگیڈر (ر) محمد عارف نے 5کروڑ 40لاکھ 51ہزار 143روپے اسی زمین کے حصول کےلئے جاری کئے جو زمین پروجیکٹ میں شامل ہی نہیں تھی اور نہ ہی اس خسرہ نمبرز کی زمین ائکوائر کی گئی ملزم نے تمام روپے خود ہڑپ کرلئے نیب نے معاملے کی تحقیقات شروع کی اور بریگیڈر (ر) محمد عارف سمیت 5افراد کو گرفتار کر لیا دیگر گرفتار کئے گئے افراد میں علی عباس ، نسیم عباس، سہیل ارشداور عاطف رشید شامل ہیں ملزمان کو آج ریمانڈ کےلئے عدالت پیش کیا جا ئے گا۔