ورلڈ سافٹ بال ڈے26جون کوکراچی میں منایا جائے گا

کراچی(اسپورٹس رپورٹر)نیشنل سافٹ بال اکیڈمی پاکستان کے ڈائریکٹر محمدناصر نے کہا ہے کہ اکیڈمی کے زیراہتمام اولمپک ڈے اور ورلڈ سافٹ بال ڈے منگل 26 جون کو منایا جائے گا عمران علی زمان ایونٹ کے آرگنائزنگ سیکریٹری ہوں گے اس ضمن میں کراچی بلیوز اور کراچی گرینز کی خواتین ٹیموں کے مابین سافٹ بال فیسٹیول میچ کھیلا جائے گا جبکہ اس موقع پر اولمپک ڈے کی مناسبت سے کیک بھی کاٹا جائے گا۔ میچزکراچی کے تاریخی کراچی پارسی انسٹیوٹ گرائونڈ (کے پی آئی) پر ہونگے۔واضح رہے کہ اولمپک ڈے 23 جون کو پوری دنیا میں منایا جاتا ہے جس کا مقصد دنیا بھرمیں اولمپک میں شامل مختلف کھیلوں کی بابت آگاہی فراہم کرنا ہے اولمپک ڈے کومنانے کا آغاز 1948 میں ہوا جبکہ 1978 میں اسے باقاعدہ طور پر اولمپک چارٹرڈ کا حصّہ بنادیا گیاتھا ۔