لاہور (نمائندہ سپورٹس )قومی کرکٹ ٹیم کے اوپنر اظہر علی کا کہنا ہے کہ قومی ٹیم کی سلیکشن کرنا کمیٹی کا کام ہے اور امید ہے کہ انہوں نے اچھی ٹیم کا ہی انتخاب کیا ہے۔ وہ لاہور کے کرکٹ گراونڈ میں کرکٹر اظہر علی اپنی اکیڈمی کے حوالے سے میڈیا سے بات کر رہے تھے۔ان کا کہنا تھا کہ زمبابوے اپنے ہوم گراونڈ میں بہت مضبو ط ٹیم ہے، امید ہے کہ پاکستان کا دورہ زمبابوے کامیاب رہے گا۔اظہر علی نے دورہ زمبابوے جانے والے ٹیم کیلئے نیک خواہشات کا اظہار کیا۔ ایک سوال کے جواب میں ان کا کہنا تھا کہ گزشتہ میچز میں میری پرفارمنس اچھی نہیں رہی اسی لیے میں اپنی فٹنس پر بھر پور توجہ دے رہا ہوں۔انہوں نے کہا کہ میں بہت جلد واپس گراونڈ میں ان ایکشن نظر آوں گا۔