الیکشن کمیشن ارکان کی نامزدگیاں، پارلیمانی کمیٹی کا اجلاس آج ہوگا

اسلام آباد( وقائع نگار خصوصی) الیکشن کمیشن میں ارکان کی نامزدگیوں کیلئے پارلیمانی کمیٹی کا اجلاس آج ( پیر کو) پارلیمنٹ ہائوس میں ہوگا۔ یہ کمیٹی حکومت اپوزیشن کے 12 ارکان پر مشتمل ہے۔ سندھ اور بلوچستان سے الیکشن کیمشن میں ارکان کی نامزدگیوں کیلئے پارلیمانی کمیٹی کو وزیراعظم اور اپوزیشن لیڈر کی طرف سے 12 نامزدگیاں موصول ہوگئی ہیں۔ ہر نامزدگی کیلئے دونوں اطراف سے تین تین نام دئیے گئے ہیں اس طرح الیکشن کمیشن میں دو ارکان کی نامزدگیوں کیلئے 12 نام موصول ہوگئے ۔