راولپنڈی (اپنے سٹاف رپورٹر سے)پاکستان تحریک انصاف کے رکن قومی اسمبلی شیخ راشد شفیق نے قومی اسمبلی میں بجٹ پر تقریر کرکے راولپنڈی میں جاری ترقیاتی کاموں کا نقشہ بھی پیش کرکے شہریوں کے جذبات کی نمائندگی کردی سوشل میڈیا پر ان کی تقریر کی ویڈیوز اور سٹل تصاویر بھی وائرل ہوگئیں شیخ راشد شفیق جو راولپنڈی کے حلقہ این اے 60 سے منتخب ہوئے تھے انہوں نے راولپنڈی کے میگا پروجیکٹس لئی ایکسپریس وے ، ماں بچہ ہسپتال ، طالبات کیلئے سرکاری کالجوں سکولوں کا بڑا نیٹ ورک بنانے ، نجی شعبے میں سکولوں کی حالت زار بہتر بنانے کیلئے پیکیج دینے کی سفارشات بھی ان کے خطاب کا حصہ تھیں انہوں نے کرونا جیسی موذی وباء کے پس منظر میں بہترین بجٹ پیش کرنے پر وزیر اعظم عمران خان کی قیادت اور ویژن کو خراج تحسین بھی پیش کیا ۔