پیپلزپارٹی ہمیشہ قومی مفاہمت ، نظریاتی سیاست پرکاربندرہی : شعیب ممتاز

ٹیکسلا(نمائندہ نوائے وقت)پیپلزپارٹی کے سینئررہنماء سردارشعیب ممتازخان نے کہاہے کہ محترمہ بے نظیربھٹوکی سالگرہ پرمنعقدہونے والی متعددتقریبات نے پیپلزپارٹی کے جیالانظریات رکھنے والے کارکنوںکے اندرایک بارپھرنیاجوش و،ولولہ پیداکردیاہے،جس کاتمام ترکریڈٹ چیئرمین بلاول بھٹوزرداری کی قیادت کوجاتاہے،جنہوںنے اپنی بہترین صلاحیتوںکی بدولت ملکی سیاست میںاہم کرداراداکرکے پیپلزپارٹی کوایک بار پھر چارو ں صوبو ںکی زنجیربنانے کی کاوشوںکوعملی شکل دے دی ہے،انہوںنے کہاکہ پیپلزپارٹی کی قیادت اورپیپلزپارٹی کی سیاسی تاریخ اس بات کی گواہ ہے کہ پیپلزپارٹی ہمیشہ قومی مفاہمت اورنظریاتی سیاست پرکاربندرہی ہے،ملکی سلامتی اورقومی بقاء کی خاطرغیرجمہوری ہتھکنڈوںکاڈٹ کرمقابلہ کرنابھی پیپلزپارٹی کی ہی سیاسی تاریخ چلی آرہی ہے۔