لندن : برطانیہ سے پاکستان آنے والے مسافروں کیلئے اچھی خبر آگئی ۔پی آئی اے نے لندن سے اسلام آباد دوطرفہ خصوصی چارٹر پروازیں چلانے کا اعلان کردیا۔
قومی ائیر لائن پی آئی اے نے لندن سے اسلام آباد دو طرفہ چارٹر پروازوں میں اضافہ کیا ہے جس کے تحت چارٹرڈ پروازیں 31 جولائی تک چلائی جائیں گی جبکہ 10 جولائی سے 8 خصوصی چارٹرڈ پروازیں آپریٹ کی جائیں گی ۔اس ضمن میں پہلی پرواز 10 جولائی لندن سے اسلام آباد کے لئے روانہ ہو گی جبکہ دو طرفہ پروازیں 12،14،17،22،24،28اور 31 جولائی تک پروازوں کی آمد وروانگی ہو گی ۔
چارٹرڈ کمپنی ہائی فلائی کے ذریعے یہ پروازیں آپریٹ کی جائیں گی۔ پی آئی اے انتظامیہ کے مطابق چارٹر پروازوں کے ذریعے لندن جانے والے مسافروں کو سفری سہولت میسر ہوگی ۔