شہرسلطان(خبرنگار) انتظامیہ کادکان پر چھاپہ ،لاکھوں کی زائد المعیاد ادویہ برآمد تفصیل کے مطابقڈپٹی ڈائریکٹر الیاس رضا اور اسسٹنٹ ڈائریکٹر خواجہ عبدالحئی عابد کی رہنمائی میں گذشتہ دنوں پیسٹی سائیڈ انسپکٹر تحصیل جتوئی محمد ناصر اکرم خان مستوئی نے فیلڈ اسسٹنٹ راشد خان لغاری اور غلام یسین کے ہمراہ مخبر کی اطلاع پر نواحی موضع ٹھٹھہ چنڈیر میں زرعی ادویات کی دکان پر چھاپہ مارا تو مختلف کمپنیوں کی چھ لاکھ روپے سے زائد مالیت کی بغیر ڈیلر شپ ، بغیر انوائس اور کچھ زائد المیعاد ادویات موجود پائی گئیں جس پر پیسٹی سائیڈ انسپکٹر نے 15 پر کال کر کے پولیس بلا لی اور تمام پروڈکٹ پولیس کے قبضہ میں دیکر ڈیلر محمد آصف اور دکان کے مالک محمد نواز کیخلاف تھانہ جتوئی میں مقدمہ درج کرا دیا ہے اور زرعی ادویات کے نمونہ جات لیکر مزید کارروائی کیلئے لیبارٹری بھجوا دئیے گئے ہیں۔