کراچی (رپورٹر اطہر جاوید صوفی )افواہ ساز فیکٹریاں میرے کیریئر کیخلاف سازشوں میں مصروف ہیں لیکن انہیں کامیابی نصیب نہیں ہوگی یہ بات فلم سٹار میرا نے کراچی پریس کلب میں پاکستان فلم اینڈ ٹی وی جرنلسٹس ایسوسی ایشن کے پروگرام ’’روبرو‘‘ میں میڈیا کے نمائندوں سے بات کرتے ہوئے کہی۔ میرا نے کہا کہ فلم ’’باجی‘‘ کے بعد مجھے بہت سی فلموں اور کمرشل سے محروم کردیا گیا۔ میں لاہور میں ہوتی ہوں تو یہ افواہ پھیلادی جاتی ہے کہ میں امریکہ میں ہوں۔ صباقمر، مہوش حیات، ماہرہ خان اور پریانکا چوپڑا وغیرہ ہم سب ایک ہی عمر کے ہیں۔ لیکن میں چونکہ انڈسٹری میں پہلے آگئی تھی اور چائلڈ سٹار کی حیثیت سے کام کیا تھا اس لیے سینئر ہوں۔ میری عمر کے حوالے سے جو من گھڑت اور جھوٹی باتیں پھیلائی جاتی ہیں ان کو ختم ہونا چاہیے۔