گوجرانوالہ: واسا کے 7سو ملازمین میں موسم گرما کی وردیاں تقسیم 

گوجرانوالہ(نمائندہ خصوصی) محکمہ واسا کے 7سو ملازمین میں موسم گرما کی وردیاں تقسیم کردی گئیں دیگر مراعات بھی واسا ملازمین کو جلد ادا کردی جائیں گی شہری ترقی اور عوامی مسائل حل کرنے کےساتھ ساتھ واسا ملازمین کے مسائل بھی ترجیحی بنیادوں پر حل کئے جا رہے ہیں۔ان خیالات کا اظہار ایم ڈی واسا گوجرانوالہ عامر عزیز نے لیاقت پارک میں واسااتحاد یونین سی بی اے کے زیر اہتمام تقریب میں ملازمین واسا کو وردیاں تقسیم کرنے کے موقع پر کیا ۔ تقریب سے خطاب کرتے ہوئے ڈائریکٹر ایڈمن اینڈ فنانس رانا مقصود انجم اور ڈائریکٹر انجینئرنگ کاشان حفیظ بٹ نے ملا زمین کو یقین دہانی کرائی کے اُن کے حقوق کے تحفظ کو یقینی بنایا جائیگا اور ہر ممکن مر ا عات دی جائیں گی ۔ واسااتحاد یونین سی بی اے کے صدر محمد اسحاق میو نے خطاب کرتے ہوئے کہا کہ الیکشن میں واسا ملازمین سے کئے گئے تمام وعدے پورے کردیئے گئے ہیں ۔آئندہ بھی واسا ملازمین کے حقوق کیلئے جد و جہد جاری رہے گی تمام ملازمین کے حقوق کا ہرفورم پر تحفظ کیاجائے گا۔