انگلینڈ نے اچھا کھیل پیش کیا‘ہمیں آئوٹ کلا س کر دیا : ایرون جونز 

لاہور(سپورٹس رپورٹر)امریکہ کپتان ایرون جونز نے کہا کہ انگلینڈ نے بہت اچھا کھیل پیش کیا اور ہمیں آئوٹ کلاس کردیا ۔ ہمارے رنز بہت کم تھے ۔ پچھلے دو میچوں میں ہماری کارکردگی اچھی نہیں رہی ۔ ٹورنامنٹ سے لطف اندوز ہوئے ہیں ۔ میرے خیال میں ہماری شارٹ سلیکشن ٹھیک نہیں تھی ۔ ہمیں علم تھا انگلینڈ خطرناک ٹیم ہے ۔ ہماری وکٹیں جلدی گر گئیں جس کی وجہ سے کھلاڑی دبائو میں آگئے ۔ ٹیلنڈرز نے بھی پرفارم نہیں کیا ہے ۔ یہ ہمارا پہلا ورلڈ کپ ہے ۔ لوگوں کو یقین نہیں آرہا کہ ہم بڑی ٹیموں کیخلاف کھیل رہے ہیں ۔ امید ہے ہماری کارکردگی سے امریکیوں کی آنکھیں کھل جائیں گی ۔ ورلڈ کپ میں ہمیں حوصلہ افزائی کے پیغامات ملے اور ٹیلیفون آئے ہیں ۔