لاہور(سپورٹس رپورٹر)اتھلیٹکس کا پاکستانی9 رکنی دستہ 8 ویں چلڈرن آف ایشیا گیمز میں شرکت کیلئے آج روس روانہ ہو گا۔ یہ گیمز 25 جون سے 7جولائی تک روس میں کھیلی جائیں گی۔ اتھلیٹکس فیڈریشن آف پاکستان کے صدر برگیڈیئر(ریٹائرڈ)وجاہت حسین نے بتایا کہ چوہدری اصغر علی گل چیف ڈی مشن ہونگے جبکہ کوچنگ کے فرائض میڈم ناظمہ اظہر صمدانی انجام دیں گی ۔سات رکنی ٹیم میں غلام مرتضی، محمد شریف، اقرا ریاض،عنایہ احسن فروز، علینہ آصف، زنورین قیوم اور زرلینا وسیم شامل ہیں۔ منتخب ٹیم کے کھلاڑیوں کو ٹرائلز کے ذریعے منتخب کیا گیا ہے۔ قومی ٹیم کے کھلاڑی ایونٹ میں شاندار کارکردگی کا مظاہرہ کرتے ہوئے میڈلز کیساتھ واپس وطن لوٹیں گے۔