لاہور(سپورٹس رپورٹر )پشین سے تعلق رکھنے والے نوجوان تن ساز(باڈی بلڈر)اور مسٹر پاکستان سید بلال غرشین نے مالدیپ میں ہونے والی ایشیئن چیمپئن شپ میں گولڈ میڈل جیت لیا۔سید بلال غرشین نے کہا ہے کہ میں 3 دفعہ مسٹر پاکستان کا ٹائٹل جیت چکا ہوں لیکن میرا ایک خواب تھا کہ میں مسٹر ایشیا کا میڈل جیت کر پاکستان کا سبز ہلالی پرچم اپنے کندھوں پر اٹھاوں جو اللہ پاک نے پورا کیا۔میں اللہ پاک کا لاکھ لاکھ شکر ادا کرتا ہوں جس نے مجھے مسٹر ایشیا کے ٹائٹل سے نوازا۔ اپنے پیارے ملک پاکستان کیلئے ہر مقابلے کیلئے تیاری کروں گا اور خرچہ خود برداشت کروں گا۔