لاہور(نامہ نگار)ساندہ سٹاپ کے ویب بندروڈ ٹریفک حادثے میں 6 افراد شدید زخمی ہوگئے ہیں۔زخمیوں میں 31 سالہ شفیق، 33سالہ عمران، 32سالہ وسیم، 55 سالہ محمدجہانگیر، 59 سالہ عنایت اللہ اور 35 سالہ رفیق شامل ہیں۔ زخمیوں میں 59 سالہ عنایت اللہ اور 35 سالہ رفیق کو سر میں شدید چوٹ آئی اور ان کی حالت تشویشناک بتائی جاتی ہے۔حادثہ کار،چنگ چی رکشہ اور موٹر سائیکل کے درمیان تصادم کے نتیجے میں پیش آیا۔زخمیوں کو میو ہسپتال منتقل کر دیا گیا ہے۔