چن تارا سمیت 3منشیات فروش گرفتار‘100سے زائد دیسی شراب کی بوتلیں‘3کلو چرس برآمد

لاہور(نامہ نگار)بھاٹی گیٹ  پولیس نے کارروائی کرتے ہوئے شراب کی ترسیل ناکام بنا کر ملزم کو گرفتار کر لیا ہے۔پولیس نے منشیات فروشوں کیخلاف کریک ڈاؤن کر کے شراب کی سپلائی لیکر جانے والے ملزم چن تارا کوگرفتار کر لیاہے۔ملزم توڑوں میں چھپا کے شراب لیکر جا رہا تھا۔ملزم چن تارا لاہور کے مختلف مقامات میں شراب کی سپلائی کرتا ہے۔ملزم کے قبضہ سے 100 سے زائد دیسی شراب کی بھری بوتلیں برآمد کر لی گئیں اورمقدمہ درج کرکے تفتیش شروع کردی گئی ہے۔شیراکوٹ پولیس نے  2 منشیات فروش گرفتار کر لئے ہیں۔ملزمان لاہور کے مختلف علاقوں میں منشیات فروخت کرتے تھے۔ ملزمان مدثر خان اور ابوبکر کوگرفتار کر کے مقدمہ درج کر لیا گیا ہے۔ملزمان سے مجموعی طور پر 3 کلو چرس برآمد کی گئی ہے۔