میانوالی: جھونپڑیوں میں مبینہ آتشزدگی ‘بچی جاں بحق‘4بچے زخمی 

میانوالی(نامہ نگار‘نمائندہ نوائے وقت)موچھ پل کے قریب خانہ بدوشوں کی جھگیوں میں آگ بھڑک اٹھی جس سے گل خان نامی پشتون کی ساڑھے تین سال کی بچی جاں بحق اور دیگر چار بچے جھلس گئے جنہیں ڈی ایچ کیو ہسپتال میانوالی منتقل کر دیا گیا ہے ذرائع نے بتایا ہے کہ سولر انرجی کی تار میں شارٹ سرکٹ سے آگ لگی آگ اتنی شدید تھی کہ اس نے دیکھتے ہی دیکھتے تمام جھگی کو لپیٹ میں لے لیا جس سے جھگی جل کر خاک ہو گئی تمام سامان جل گیا محنت کش گل خان کی ملکیت تھی جبکہ اس کی بچی بھی جاں بحق ہو گئی ہے ڈپٹی کمشنر میانوالی خالد جاوید گورائیہ فوری جائے موقع پر پہنچ گئے انہوں نے ہونے والے نقصان کا جائزہ لیا ریسکیو کی ٹیموں کو فوری طور پر امدادی کاروائیاں تیز کرنے کی ہدایت کی ڈپٹی کمشنر نے سانحہ پر افسوس کا اظہار کیا اور کہا کہ زخمیوں کے علاج میں کسی قسم کی کوتاہی نہ برتی جائے ڈپٹی کمشنر نے متاثرہ خاندان سے گہرے دکھ کا اظہار کیا ریسکیو ٹیم نے آگ پر قابو پا لیا ہے