مری +کراچی (بیورو رپورٹ +کامرس رپورٹر) گورنر سندھ کامران خان ٹیسوری نجی دورے پر پاکستان کے سب سے خوبصورت سیاحتی مقام مری پہنچ گئے۔ لوگوں نے اپنے درمیان گورنر سندھ کامران خان ٹیسوری کو دیکھ کر خوشگوار حیرت کا اظہار کیا ۔ لوگوں نے گورنر سندھ کے ہمراہ سیلفیاں بھی بنوائی۔ گورنر سندھ کو دیکھ کر موقع پر موجود صحافی بھی جمع ہوگئے۔ گورنر سندھ نے میڈیا سے گفتگو بھی کی۔ گورنر نے کہا کہ سیاحتی مقام مری منفرد اہمیت کا حامل ہے۔  شدید گرمی میں بھی مری کا موسم خوشگوار ہے۔انہوں نے کہا کہ یہاں کے لوگ بہت مہمان نواز، خوش اخلاق اور محبت کرنے والے ہیں۔