کراچی:گدھا گاڑی ریس، بجلی نامی گدھا بجلی کی طرح دوڑ کر کامیاب

لاہور(سپورٹس رپورٹر)کراچی میں گدھا گاڑی  ریس کا انعقاد کیا گیا جس میں 40 سے زائد گدھا گاڑیاں شامل تھیں۔گدھا گاڑی ریس آئی سی آئی فلائی اوور سے کمشنر کراچی ہاوس تک ہوئی۔ کمشنر کراچی کا کہنا ہے کہ سپورٹس فیسٹیول کا پہلا ایونٹ ہوا ہے۔ میئر کراچی مرتضی وہاب نے کہا کہ ایونٹ کا اہتمام تفریح سے محروم غریب طبقے کیلئے کیا گیا۔ گدھا گاڑی ریس کے کھیل سے پرانے لوگ وابستہ ہیں، پہلے نمبر پر آنے والا گدھا بجلی آج بجلی کی طرح دوڑا۔ شعر و شاعری اور دیگر پروگرام بھی ہونے چاہئیں تاکہ شہریوں کو سستی انٹرٹینمنٹ مل سکے۔ریس کے تمام شرکا7 بجکر 30منٹ پر آئی آئی سی سی پل پر جمع ہوئے جبکہ ریس براستہ ایم ٹی خان روڈ، پی آئی ڈی سی سلطان آباد سے ہوتی ہوئی کمشنر آفس کلب روڈ پر اختتام پذیر ہوئی۔ریس میں کامیاب کھلاڑیوں میں انعامات تقسیم کئے گئے۔