کسانوں کو چینی مونگ پھلی کے بیج کی خصوصی کھیپ فراہم

اسلام آباد(خبرنگار) کسانوں کو چینی مونگ پھلی کے بیج کی خصوصی کھیپ فراہم کر دی گئی۔ ا س بیج کی ابتدا شیڈونگ صوبے کے ویفانگ سے ہوئی ہے جو اپنی اعلیٰ معیار کی زرعی مصنوعات کے لیے مشہور ہے۔ بیج کی یہ کھیپ چین پاکستان مونگ پھلی کی افزائش اور فروغ پروگرام کی تیار کردہ نئی اقسام میں سے ایک ہے پاکستان میں مونگ پھلی کی بوائی کا موسم مئی میں ہوتا ہے۔ چینی تکنیکی ماہرین پاکستانی کاشتکاروں کے لیے مونگ پھلی کی افزائش کو دور سے مانیٹر کرنے اور فیلڈ مینجمنٹ پر رہنمائی فراہم کرنے کے لیے انٹرنیٹ ٹیکنالوجی کا استعمال کرتے ہیں۔گوادر پرو کے مطابق2016 میں،شینڈونگ رینبو ایگریکلچر پولیٹرون ٹیکنالوجیز نے پاکستانی مارکیٹ میں کاشت شروع کی۔ 2023 میں انہوں نے مونگ پھلی کے اصل بیج کی پہلی کھیپ پاکستان کو برآمد کی اور صوبہ پنجاب کے شہر اٹک اور چکوال میں تقریباً 1,000 ایم یو (66.7 ہیکٹر) کاشت کیا۔