گوجرخان ، اندرون شہر نالوں کی صفائی نہ ہونے سے گندگی پھیلنے لگی

گوجرخان (نامہ نگار)گوجر خان، اندرون شہر نالوں کی صفائی نہ ہونے کے باعث گندگی اور بدبو کے باعث لوگ سخت اذیت سے دوچار ہیں نالوں کی صفائی نہ ہونے کے باعث مکھیوں اور مچھروں کی بھی افزائش ہو رہی ہے عرصہ دراز سے نالوں کی صفائی نہ ہونے سے چوہوں کی تعداد میں بھی اضافہ ہو رہا ہے اس حوالہ سے شہریوں نے بتایا ہے کہ متعدد بار بلدیہ کام کو آگاہ کیا گیا کہ بڑکی جدید روڈ کے نالوں کی صفائی نہ ہونے کے باعث روڈ کے دوکانداروں اور آبادی مکینوں کو سخت دشواری کا سامنا ہے لیکن عملہ صفائی نالوں میں کھڑے ہو کر فوٹو سیشن کر کے سب اچھا کی رپورٹ ارسال کر کے آنکھوں میں دھول جھونک رہا ہے آبادی مکینوں نے کہا ہے کہ اس صورتحال کا نوٹس لے کر بڑکی جدید مین روڈ کے نالوں کی صفائی ستھرائی ہنگامی بنیادوں پر کرا کرآبادی مکینوں کی دشواری کو ختم کیا جائے۔