کراچی میں شرافی گوٹھ میں آج نامعلوم افراد کی فائرنگ کے نتییجے میں دو افراد جاں بحق ہوگئے۔ گارڈن کے علاقے میں فائرنگ سے علی محمد جاں بحق ماراگیا ، سپر ہائی وے جدہ ہوٹل کے نزدیک گوندل گوٹھ سے چار روز پرانی لاش برآمد ہوئی ہے جبکہ عزیزآباد میں شہزاد نامی شخص کو قتل کردیا گیا ۔ یونیورسٹی روڈ پر منی بس پر فائرنگ کے نتیجے میں راشد نامی شخص جاں بحق ہوگیا ،بغدادی کھڈا مارکیٹ کے نزدیک دہشت گردوں نے فائرنگ کرکے اورنگی کے رہائشی سیلم کو ابدی نیند سلا دیا ۔ سعود آباد میں نامعلوم افراد کی فائرنگ سے چوکیدارولی محمد ہلاک ہوا جبکہ فائرنگ کے دیگرواقعات میں ایک دس سالہ بچے سمیت تین افراد زخمی ہوگئے۔