کویت سٹی (اے پی پی) پاکستانی سٹار سکوائش پلیئر ناصر اقبال نے فتوحات کے تسلسل کو برقرار رکھتے ہوئے انٹرنیشنل سکوائش ٹورنامنٹ مینز سنگلز کے فائنل میں جگہ بنا لی۔ سیمی فائنل میں ناصر اقبال نے حریف ملائیشین کھلاڑی کو شکست دی۔ کویت میں جاری ایونٹ میں ناصر اقبال نے انتہائی شاندار کھیل پیش کرتے ہوئے حریف ملائیشین کھلاڑی مہد اشراف اذان کو با آسانی 3-0 سے شکست دے کر فائنل میں جگہ بنائی۔ انہوں نے اشراف کے خلاف 11-7، 11-8 اور 11-4 سے زیر کیا۔ فائنل میں ناصر اقبال میزبان کویت کے عبداللہ ال موزین کے مدمقابل ہوں گے۔