اسلام آباد (اے پی پی) پاکستان باسکٹ بال فیڈریشن کے زیراہتمام قومی ٹیم کے ٹرائلز آج اتوار سے پاکستان سپورٹس کمپلیکس اسلام آباد میں شروع ہوں گے۔ ٹرائلز کے بعد 27 ویں فیبا ایشین باسکٹ بال چیمپئن شپ کے کوالیفائنگ راﺅنڈ میں شرکت کےلئے ٹیم کا چناﺅ کیا جائے گا۔ ٹرائلز کیلئے فیڈریشن سے منسلک تمام کھلاڑیوں کو مدعو کیا گیا ہے جبکہ اس ایونٹ میں قومی ٹیم کے انتخاب کیلئے 26 سے 27 مارچ تک لاہور میں بھی ٹرائلز ہوں گے۔ انہوں نے کہاکہ ٹرائلز کے بعد باصلاحیت 20 کھلاڑیوں کو قومی ٹیم میں شامل کیا جائے گا۔ سیکرٹری نے کہا کہ ایونٹ کی تیاری کیلئے قومی کھلاڑیوں کا تربیتی کیمپ اپریل کے پہلے ہفتے میں اسلام آباد میں لگایا جائے گا۔ واضح رہے کہ 27 ویں ایشین باسکٹ بال چیمپئن شپ کے کوالیفائنگ راﺅنڈ 13 سے 15 مئی تک بھارت میں ہوںگے۔