لاہور( این این آئی) فوک گلوکار عارف لوہار نے کہا ہے کہ پاکستانی موسیقی کی کامیابی کا راز صوفیانہ کلام میں ہے ، فوک میوزک سے لے کر قوالی جیسے فن نے دنیا بھر میں پاکستان کی موسیقی کو متعارف کرایا ،میرے والد عالم لوہار ،استاد نصرت فتح علی خان سمیت دیگر فنکاروں نے پاکستانی میوزک کو تسلیم کرایا ۔خصوصی گفتگو کرتے ہوئے عارف لوہار نے کہا کہ میں نے دنیا بھر میں پرفارم کیا ہے اور میںنے ان ممالک کے مقامی رہائشیوں کو بھی پاکستانی میوزک پر دھمال ڈالتے دیکھا ہے۔کیونکہ صوفیانہ کلام کا اپنا ہی ایک اثر ہے ۔ انہوں نے ایک سوال کے جواب میں کہا کہ فن سیکھنے کی کوئی حد نہیں ہوتی اس کو سیکھنے کا عمل مرتے دم تک جاری رہتا ہے ۔
م
