پیپلزپارٹی لاہور کے زیراہتمام نصرت بھٹو کی 87 ویں سالگرہ منائی گئی

لاہور( خبر نگار) پیپلز پارٹی لاہور کے زیر اہتمام گرین ٹاﺅن میں پیپلز پارٹی کی مرکزی رہنما و مادر جمہوریت بیگم نصرت بھٹو کی 87ویں سالگرہ کی تقریب منعقد کی گئی اور ان کی سالگرہ کا کیک پیپلز پارٹی لاہور کے سیکرٹری اطلاعات فیصل میر اور ڈاکٹر ضرار ےوسف نے کاٹا۔ اس موقع پر مادر جمہوریت کی پاکستان اور پیپلز پارٹی کے لئے دی گئی خدمات پر انہیں بھرپور خراج عقیدت بھی پیش کیا گیا۔اس موقع پر ڈاکٹر عاقب سرور‘ شہزاد شفیع‘ لیاقت قصوری‘ عباس شاہ‘ تبسم بھٹو اور وحید لودھی سمیت دیگر جیالوں نے بھی شرکت کی ۔