سید خالد بخاری کے ختم قبل میں اہم شخصیات کی شرکت

لاہور(خبر نگار) پیپلز پارٹی کی ذیلی تنظیم پیپلز لیبر بیورو پنجاب کے جنرل سیکرٹری سید خالد بخاری جو گزشتہ روز قضائے الٰہی سے وفات پاگئے تھے ان کی رسم قل ان کی رہائش گاہ گرین ٹاﺅن میں ادا کی گئی۔جس میں پیپلز پارٹی پنجاب کے صدر میاں منظور وٹو، پیپلز لیبر بیورو کے مرکزی انچارج چوہدری منظور احمد، چوہدری اسلم گل، چوہدری غلام عباس، محمد اشرف خان ، محمد سلیم مغل ، زاہد حسین چوہدری ، سید سکندر شاہ، ملک اللہ یار، ملک احتشام الحسن، قیصر مصطفےٰ خان، جاوید شاہ ، رانا اشعر نثار، فیصل میر، شیخ عرفان، ڈاکٹر منظر مسعود، علامہ یوسف اعوان اور حبیب الرحمان مانی پہلوان سمیت پارٹی کے عہدیداران ، مزدور یونین سے وابستہ رہنماﺅں نے کثیر تعداد میں شرکت کی ۔دریں اثنا جہانگیر بدر اور مسلم لیگ (ن) کے سہیل ضیا بٹ نے بھی مرحوم سیدخالد بخاری کی وفات پر گہرے دکھ کا اظہار کعرتے ہوئے مرحوم کی مغفرت اور بلندی درجات کی دعا کی ہے۔