دبئی: برج الخلیفہ پاکستانی پرچم کے رنگ کی روشنیوں سے جگمگا اٹھا

دبئی (آئی این پی) دبئی میں دنیا کی سب سے بلند عمارت برج الخلیفہ کو پاکستان کے 77ویں قومی دن کے موقع پر قومی پرچم کے رنگوں کے ساتھ روشن کردیا گیا۔ برج الخلیفہ کے قریب جھیل میں پاکستانی پرچم کا عکس دلکش منظر پیش کررہا تھا۔ دبئی میں موجود پاکستانیوں کی قومی پرچم دیکھ کر خوشی دیدنی تھی۔ڈی جی آئی ایس پی آر نے ٹوئٹ میں یو اے ای حکومت اور عوام کی یوم پاکستان کی تقریبات میں شرکت کا خیرمقدم کیا اور کہا کہ برج الخلیفہ پر قومی پرچم قوم کیلئے باعث مسرت ہے۔