فیروزوالا (نامہ نگار) جی ٹی روڈ کی آبادی رچنا ٹاؤن میں بچوں کی لڑائی پر سالے نے ساتھی سے ملکر اینٹیں مار کر اپنے بہنوئی کو قتل کر ڈالا اور فرار ہو گئے۔ تفصیلات کے مطابق شیراز احمد خان اور فرید احمد خان آپس میں سالہ بہنوئی ہیں۔ بچوں کے درمیان جھگڑا ہونے پر تلخ کلامی ہوئی۔ جس پر شیراز احمد خان نے اپنے دیگر ساتھیوں کی مدد سے اینٹیں مار کر بہنوئی فرید خان کو شدید زخمی کر دیا۔ جسے طبی امداد کے لیے ہسپتال لایا گیا جہاں وہ دم توڑ گیا۔ فیروزوالا پولیس نے ملزموں کیخلاف قتل کے الزام میں مقدمہ درج کر لیا۔ مقتول کی نعش قبضہ میں لے کر پوسٹمارٹم کے لئے مردہ خانے بھیج دی ہے۔