لاہور: بیدیاں روڈ پر ایک گھر میں تین کم عمر بچوں کو گلا دبا کر قتل کر دیا گیا

لاہور کے علاقہ بیدیاں روڈ پر ایک گھر میں تین کم عمر بچوں کو گلا دبا کر قتل کر دیا گیا ۔ جبکہ پولیس نے اہل خانہ سے تفتیش شروع کر دی ہے جبکہ بچوں کی والدہ نے قتل کا الزام اپنے دوست پر لگایا ہے ۔ انیقہ نامی خاتون نے اپنے والد کو فون کیا جس کے بعد خاتون کے والد نے پولیس کو اطلاع دی جس کے بعد پولیس جائے وقوعہ پر پہنچ گئی اور دیکھا کہ تین بچوں زین العابدین ، کنیز فاطمہ اور ابراہیم کی نعشیں بیڈ پر پڑی ہیں جبکہ ماں صوفے پر بیٹھی تھی اور اس کی کلائی پر بلیڈ کے زخموں کے نشان ہیں ۔ پولیس کے مطابق بچوں کو ماں نے ہی قتل کیا ہے اور وہ ذہنی مریضہ لگتی ہے ۔ پولیس واقعہ کی مزید تفتیش کر رہی ہے اور نعشوں کو پوسٹ مارٹم کے لیے ہسپتال منتقل کر دیا گیا ہے ۔