کینیڈا: دعائیہ تقریب کے دوران نوجوان نے پادری کو چاقو مار کر زخمی کر دیا

ٹورنٹو(صباح نیوز)کینیڈا کے شہر مونٹریال میں گرجا گھر سے دعائیہ تقریب براہ راست دکھائے جانے کے دوران ایک شخص نے پادری کو چاقو مار دیا۔ غیرملکی خبررساں ادارے کے مطابق کینیڈا کے شہر مونٹریال میں گرجا گھر سے دعائیہ تقریب براہ راست دکھائے جانے کے دوران 26 سالہ حملہ آور نے پادری کا پیچھا کیا اور اس کے سینے میں چاقو گھونپ دیا۔چرچ میں موجود افراد نے ملزم کا گھیرائوکر کے اسے پکڑ لیا اور پولیس کو بلا کر ملزم کو اس کے حوالے کر دیا۔زخمی پادری کی حالت خطرے سے باہر ہے، یہ واضح نہیں ہو سکا کہ ملزم نے پادری کو نشانہ کیوں بنایا۔