موصل میں کشتی کی غرقابی، عراقی وزیراعظم کی مقامی گورنر کو برخاست کرنے کی تجویز

بغداد(نیوز ڈیسک)عراقی وزیراعظم عادل عبدالمہدی نے پارلیمان سے درخواست کی ہے کہ وہ نینیوا صوبے کے گورنر نوافل حمادی السطان کو برطرف کر دیں۔ مقامی گورنر کی برطرفی کی یہ درخواست ایک دریا میں کشتی کی غرقابی کے ایک واقعے کے تناظر میں کی گئی ہے، جس میں 90 افراد ہلاک ہو گئے تھے۔ اسلامک اسٹیٹ‘ سے آزادی کے بعد دریائے دجلہ میں اس انداز کا یہ سب سے بھیانک واقعہ تھا۔ عراقی وزیراعظم کے مطابق اس طرز کے واقعات کے سدباب کی بجائے عوامی سرمایے کا غلط استعمال اور گورنر کی جانب سے اپنی ذمہ داریوں سے غفلت کی بنا پر انہیں عہدے سے الگ کر دیا جانا چاہیے۔