حافظ آباد(نمائندہ نوائے وقت+نمائندہ خصوصی+نامہ نگار)مرکزی  جامع مسجد قدیم میں علامہ احمد سعید اعوان کی زیر صدارت منعقدہ شان امام الانبیاء ؑکانفرنس سے خطاب کرتے ہوئے اتحاد العلماء کے ضلعی امیر مولانا قاری عبدالحنان صدیقی،حافظ عزیز الرحمن، حافظ اﷲدتہ ساجد ، علامہ احمد سعید اعوان ودیگر نے کہا کہ امام الانبیاء حضرت محمد مصطفےؐ نے مختصر سے عرصہ میں جو انقلاب برپا کیا دنیا اس پر آج بھی حیرت زدہ ہے۔ آپؐ کو تمام نبیوں کا سردار بناکر بھیجا گیا اور نبی کریم ؐ کی تعلیمات قیامت تک آنے والے لوگوں کے لئے ہیں لیکن بدقسمتی سے ہم آج آپؐ کی تعلیمات سے دور ہوکر طرح طرح سے کے مسائل ومصائب میں مبتلا ہورہے ہیں۔ جب تک ہم امام الانبیائؐ کے بتائے ہوئے طریقوںپر عمل پیرانہیں ہوں گے اسوقت تک دنیا وآخرت میں سرخرو نہیں ہوں گے۔