پیرمحل، جکھڑ، ٹوبہ ٹیک سنگھ‘کمالیہ  (نامہ نگاران) جائیداد کے تنازعہ پر باپ بیٹا قتل جبکہ خاتون شدید زخمی ہو گئی ہے۔ تھانہ صدر کمالیہ کے موضع چاہ طرف والا سید موسیٰ میں صبح کے 7بجے کے قریب 2 نامعلوم موٹر سائیکل سوار افراد نے گھر میں گھس کر اندھا دھند فائرنگ کر دی جس کے نتیجہ میں امداد خاں کھرل عمر 60سال اور 15سالہ ارباز گولیوں کی زد میں آکر موقع پر ہی دم توڑ گئے۔ مقتول امداد خاں کی بیوی شبنم بی بی شدید زخمی ہو گئی۔ واقعہ کی اطلاع ملتے ہی پو لیس اور ریسکیو ٹیم نے موقع پر پہنچ کر نعشوں کو تحویل میں لے کر اور زخمی خاتون کو ڈی ایچ کیو ہسپتال منتقل کر دیا۔ ڈی پی او نے واقعہ کا نوٹس لیتے ہو ئے ملزموںکی گرفتاری کے احکا مات جاری کر دئیے تھے۔ پولیس ذرائع کا کہنا ہے کہ باپ بیٹے کا قتل جائیداد کا تنازعہ معلوم ہوتا ہے۔
باپ بیٹا قتل