ملتان (   نمائندہ نوائے وقت ) سابق ایم پی اے اور ضلعی جنرل سیکرٹری مسلم لیگ ن شعبہ خواتین مسز خولہ امجد کی رہائشگاہ پر یوم پاکستان کے موقع پر تقریب منعقد ہوئی جس میں ضلعی صدر شعبہ خواتین مسز روبینہ خلیل دیگر خواتین رہنماؤں  مدیحہ شیخ،مسز نسیم،رقیہ مغل،سعدیہ،ثمینہ نورین ،زرینہ رحمن کے ہمراہ یوم پاکستان کا کیک کاٹا مسز روبینہ خلیل،مسز خولہ امجد نے کہا کہ انشاء  اللہ ہم میاں نواز شریف کی قیادت میں ایک بار پھر عوام اور ملک کے استحکام کے لئے جلد عوامی قوت سے اقتدار میں آئیں گے اور ملک کو معاشی طور پر پہلے کی طرح خوشحال بنائیں گے موجودہ حکومت نے قوم کو ایک ایک روپے کا محتاج بنا دیا ہے مہنگائی بے روزگاری نے عوام کیلئے مشکلات پیدا کر رکھی ہیں۔ زرائع آمدن کم اور اخراجات زیادہ موجودہ حکومت کا ہی کارنامہ ہے انہوں نے کہا کہ عدم اعتماد کی تحریک اسی لئے کامیاب ہو گی کہ عوام ان حکمرانوں سے تنگ آ چکے ہیں ملکی تاریخ میں ایسی حکومت نہیں آئی جس نے عوام کو تاریخی و ریکارڈ مہنگائی بے روزگاری کی آگ میں جھونکا کہ آج ہر طبقہ توبہ توبہ کررہا ہے ۔
خولہ امجد