اسلام آباد لاہور (نمائندہ خصوصی+ سپورٹس رپورٹر) صدر مملکت ڈاکٹر عارف علوی نے یوم پاکستان کے موقع پرصحت، تعلیم، ادب، صحافت، فنون لطیفہ اور انسداد دہشت گردی سمیت مختلف شعبوں میں نمایاں خدمات پر ملکی اور غیر ملکی شخصیات کو سول اعزازات سے نوازا ہے۔ ایوان صدر میں سول اعزازات کی تقسیم کی ایک پروقار تقریب منعقد ہوئی۔ تقریب میں مختلف شعبوں میں نمایاں خدمات سرانجام دینے والی شخصیات کو نشان امتیاز، ہلال امتیاز، تمغہ امتیاز، ہلال پاکستان، ہلال قائداعظم، ستارہ شجاعت، ستارہ امتیاز، صدارتی اعزاز برائے حسن کارکردگی، تمغہ شجاعت اورتمغہ خدمت کے اعزازات دیئے گئے۔نشان امتیاز حاصل کرنے والوں میں سرتاج عزیز، میر حاصل خان بزنجو مرحوم، آنجہانی جسٹس (ر) رانا بھگوان داس، احمد غلام علی چھانگلہ (مرحوم)، صوفی غلام مصطفیٰ تبسم (مرحوم)، محمد قوی خان (مرحوم)، جہانگیر خان اور جان شیرخان شامل ہیں۔ ہلال پاکستان کا اعزاز رابن رافیل کو دیا گیا ہے جبکہ ہلال امتیاز کا اعزاز حاصل کرنے والوں میں ڈاکٹر خواجہ عبدالحی مرحوم ، انجینئرپروفیسر احمد فاروق بازئی، پروفیسر ڈاکٹر طلعت نصیرپاشا، حکیم رضوان حفیظ، ڈاکٹر راجہ علی رضاانور، رئیس احمد، امجد اسلام امجد مرحوم، احمد عارف نظامی مرحوم، مجیب الرحمن شامی، الطاف حسن قریشی، بلقیس بانو مرحومہ، محمد رمضان چھیپا، سردار احمد نواز سکھیرا، معروف افضل مرحوم، محمد طلحہ محمود، ہلال الرحمن، ڈاکٹر گوہر اعجاز، کیپٹن (ر) شیر عالم محسود مرحوم، جسٹس (ر) فضل کریم، سلطان علی الانا اور خواجہ مسعود اخترشامل ہیں جبکہ ڈاکٹرجیمزشیرا کو ہلال قائداعظم کے اعزاز سے نوازا گیا ہے۔ستارہ شجاعت کا اعزاز حاصل کرنے والوں میں ملک محمد حسن، ملک گگڑائی مرحوم، ملک شمالی خان، فضہ طارق ملک مرحومہ، راجہ مصطفیٰ علی، محمد افضل شیخ، ساجد کیانی اور منصور احمد خان شامل ہیں۔ ستارہ امتیاز کا اعزاز شمع خالد مرحومہ، ڈاکٹر محمد افضل جاوید، ظفراللہ خان، ہمایوں خان مرحوم، پروفیسر ڈاکٹر سعید اختر، ڈاکٹر محمد شریف ملک، محفوظ الرحمن، فخرعالم، محمداختر المعروف ساغر صدیقی مرحوم، محمد ضیاء الدین مرحوم، محمد جاوید چوہدری، ڈاکٹر انیس احمد، مولانا محمد حنیف جالندھری، وقار احمد ملک، سید مرتضیٰ محمود، امداد اللہ بوسال، مرزا اشتیاق بیگ، لیفٹیننٹ جنرل نعمان زکریا، میجر جنرل محمد اویس دستگیر، بریگیڈئر سلمان راشد حسین، محمد اقبال خان، عاصم علی خان، ثمینہ چگانی، ڈاکٹر محمد عامر ملک، بہروز سبزواری، انجینئر جاوید سلیم قریشی، ندیم اعجاز ملک، محمد طاہر رائے، ریاض الدین شیخ اور طارق محمود نے حاصل کیا۔ صدارتی اعزاز برائے حسن کارکردگی کا اعزاز پروفیسر ڈاکٹر عائشہ صدیقہ، انجم شاہین (المعروف انجمن)، تسکین ظفر، سید شمعون اشرف ہاشمی، پروفیسر جہانزیب نیاز خان مرحوم، محترمہ شاہدہ، عرفان محسود، ٹکا خان اور حافظ طاہر خلیل نے حاصل کیا۔تمغہ شجاعت کا اعزاز حاصل کرنے والوں میں عامر نواز خان شہید، محمد کامران شہید، شیر احمد عرف فیصل بلوچ، تنویر حسین توینو، امجد احمد شیخ، مظہر نواز شیخ، بشیر احمد بروہی، ذیشان احمد، نوید احمد، ضیاءالرحمن، جاویداللہ (شہید)، ڈاکٹر اکبر ناصر خان، سہیل ظفر چٹھہ، صادق شاہ، راجہ محمد ماجد، مبشر سلیم، منہاس احمد خان، اعجاز حفیظ، عقیل احمد صدیقی، وسیم احمد خان اور محمد بلال راجہ شامل ہیں۔ تمغہ امتیاز کا اعزازحاصل کرنے والوں میں محمد کامران خان ٹیسوری، اسد بگلہ، جہاں آراء، ڈاکٹر عظمیٰ بتول، ڈاکٹر رضوان اپل، پروفیسر ڈاکٹر تنویر خالق، ڈاکٹر سید عباس رضا، پروفیسر ڈاکٹر خالد محمود، پروفیسر ڈاکٹر ظہورالحق، ڈاکٹر ثمرین حسین، رستم علی لون (چارلی)، عارف خان المعروف ارباز خان، نگار نذر، قاری ڈاکٹر اکرام اللہ محسن، بسمہ معروف، کرسٹینا وان سپرلنگ آفریدی، صائمہ سلیم، سمیرا اعظم، شہزاد افضل خان، میجر محمد علی تحسین، میجر عاطف نوید، عامر الیاس رانا، صالح عظیم،انصاف شاہ مرحوم، امین ہاشوانی، خالد محمود، خواجہ عدنان ظہیر، احمد فاروق، عمران رسول، ندیم اختر شیرازی، محمد طاہر اکبر اعوان، سید علی حسنین حسین، ڈاکٹر شاہد مسعود خان، خانسہ ماریا اور ڈاکٹر آصف بشیرشامل ہیں۔ تمغہ خدمت کا اعزاز چوہدری پرویز اقبال لوسر کو دیا گیا۔ تقریب میں خاتون اول بیگم ثمینہ عارف علوی، وفاقی وزراء، سول و فوجی حکام سمیت زندگی کے مختلف شعبوں سے تعلق رکھنے والی اہم شخصیات نے شرکت کی۔ گورنر پنجاب محمد بلیغ الرحمن نے صدر پاکستان کی جانب سے 40 شخصیات کو ستارہ امتیاز، صدارتی اعزاز برائے حسن کارکردگی اور تمغہ امتیاز سے نوازا۔ ایوارڈز حاصل کرنے والو ں میں پروفیسر ڈاکٹر محمد علی )شعبہ تعلیم)، توقیر احمد ناصر(شعبہ فن اداکاری)، ریاض شاہد (مرحوم)، محمد شفیع المعروف شاکر شجاع آبادی ،چوہدری شافع حسین، محمد بابر اعظم، عطا الرحمن(مرحوم)،علامہ محمد رضا ثاقب مصطفائی، عبدالراﺅف روفی، ڈاکٹر محمد عقیل بابری ، ڈاکٹر محمد عارف حسن خان ، ڈاکٹر محمد اشرف طاہر، محترمہ پروین رضوی المعروف سنگیتا، محمد حفیظ طاہر ، غلام قادر المعروف قادر علی شگن (مرحوم)، الطاف حسین المعروف تافو خان ،محترمہ نرگس شاہین، سید افضال احمد(مرحوم)،شیر داد خان المعروف شیر میانداد خان، محمد جاوید، محمد قمر سلطان، فرحت عباس شاہ، رانا فضل حسن، ارشد ندیم، احسن رمضان اور محمد نوح دستگیر بٹ ، محمد سلیم احمد، محمد اشرف چدر پروفیسر ڈاکٹر محمد یونس، پروفیسر ڈاکٹر سلمان ایاز، ڈاکٹر نصرت اللہ چوہدری، جمیل احمد پال، ڈاکٹر وحید احمد ، محترمہ نیلم احمد بشیر، ڈاکٹر شیخ محمد اقبال، شفیق احمد چشتی، ضیا الرحمن فاروقی(مرحوم)، حسن جاوید اور شہزاد اصغر علی شامل ہیں۔تقریب میں صوبائی نگران وزراءابراہیم حسن مراد، ایس ایم تنویر ، چیف سیکرٹری پنجاب زاہد اخترزمان ، آئی جی پنجاب ڈاکٹر عثمان انوراور صوبائی سیکرٹریز سمیت مختلف شعبوں سے تعلق رکھنے والی اہم شخصیات اورمہمانوں کی کثیر تعداد موجود تھیں۔پاکستان مسلم لیگ کے صدر چوہدری شجاعت حسین کے صاحبزادے پریذیڈنٹ پاکستان کبڈی فیڈریشن اور جنرل سیکرٹری پاکستان مسلم لیگ چوہدری شافع حسین کو صدر پاکستان عارف علوی کی اجازت سے گورنر پنجاب بلیغ الرحمان نے نشان امتیاز سے نوازا۔ چوہدری شافع حسین نے پریذیڈنٹ پاکستان کبڈی فیڈریشن کے عہدے پر رہتے ہوئے پاکستان کو کبڈی کا ورلڈ کپ جتوایا تھا۔ پاکستان کبڈی کی تاریخ میں پہلی مرتبہ چوہدری شافع حسین کی قیادت میں کبڈی ورلڈکپ انڈیا کے خلاف جیتا تھا۔ کبڈی ورلڈکپ میں آٹھ ممالک نے شرکت کی تھی۔ اس سے پہلے کبڈی ورلڈکپ بھارت جیتتا رہا ہے۔