کراچی (کامرس رپورٹر)وزیرِ اعلی سندھ کے ترجمان نے کہا ہے کہ قیمتیں کنٹرول کے لیے آرڈیننس جمعرات سے نافذ العمل ہو گیا، آرڈیننس سندھ کابینہ نے منظور کیا تھا۔ترجمان نے کہا کہ گورنر سندھ نے بھی آرڈیننس کی سمری فوری طلب کر لی ہے، آرڈیننس کے تحت مجسٹریٹ کی تعداد بڑھائی جا رہی ہے، مہنگائی کنٹرول کرنے کے لیے فوڈ انسپکٹر کی تعداد بھی بڑھائی جا رہی ہے۔انہوں نے کہا کہ فوڈ انسپکٹر سختی سے حکومتی فیصلوں پر عمل درآمد کروائیں گے، ذخیرہ اندوزی اور ناجائز منافع کے خلاف فوڈ انسپکٹرز کو مجسٹریٹ کے اختیارات تفویض کیے گئے ہیں۔ناجائز منافع خور کی دکان سیل اور سامان ضبط کیا جائے گا، سرکاری نرخ سے زائد پر اشیا فروخت کرنے والوں کو نہیں بخشا جائے گا۔
آرڈیننس نافذ
سندھ مہنگائی پر قابو پانے کیلئے آرڈیننس نافذ العمل ہوگیا
Mar 24, 2023