مخیر حضرات ماہ رمضان میں یتیموں مسکینوں ،بیواؤں ،کمزور طبقات کی دل کھول کر مدد کریں:سعدیہ سہیل ،سیمی بخاری 

 لاہور (لیڈی رپورٹر) پاکستان تحریک انصاف کی سابقہ اراکین اسمبلی سعدیہ سہیل رانااور ڈاکٹر سیمی بخاری نے کہا ہے کہ پاکستانی قوم کو رمضان المبارک کے برکتوں اور سعادتوں کے مہینے کی بہت بہت مبارک ہو۔یہ امت رسول پر احسان عظیم ہے کہ ہم سب کو یہ بابرکت مہینہ نصیب ہوا ہے۔ مخیر حضرات آگے بڑھ کر یتیموں مسکینوں بیواؤں اور معاشرے کے کمزور افراد کی دل کھول کر مدد کریں۔ اس بابرکت مہینے میں قرآن مجید کی تلاوت کے ساتھ ساتھ زیادہ سے زیادہ عبادت میں اپنا وقت گزارے اور اپنے رب سے گڑگڑا کر اپنے گناہوں کی معافی مانگیں ۔