محراب پور(نامہ نگار)محراب پور پولیس تھانے کا ایس ایچ او میر امداد تالپر ڈاکوؤں کی فائرنگ میں شدید زخمی، نواب شاہ اسپتال منتقل، ذرائع کے مطابق محراب پور ٹھری میرواہ رابطہ سڑک (لنک روڈ) پر طارق سوپ فیکٹری کے قریب موٹر سائیکل ڈکیتی کی واردات بعد ڈاکو محراب پور شہر کی طرف فرار ہوئے تو ٹھری میرواہ سے محراب پور آنے والے ایس ایچ او محراب پور میر امداد تالپر جائے وقوع پر پہنچنے، اس موقع پر ڈکیتی کے متاثرہ افراد نے موٹر سائیکل ڈکیتی اور ڈاکوؤں کی نشاندہی کی، ایس ایچ او نے اپنی گاڑی میں ڈاکوؤں کا تعاقب کیا اور لانگڑجی پل کے پاس انہیں گھیرنے کی کوشش کی تو چھینی گئی موٹر سائیکل پر سوار جدید اسلحہ سے مسلح ڈاکوؤں نے کار پر اندھا دھند فائرنگ شروع کر دی جس میں ایس ایچ او میر امداد تالپر اپنے ساتھی سمیت شدید زخمی ہوگئے ڈاکو انکی کار لیکر فرار ہوگئے، زخمی ایس ایچ او اور ساتھی کو شہریوں نے قریب ہی واقع ڈاکٹر ہاشم علی شاہ کے کلینک منتقل کیا، ڈی ایس پی محراب پور عبداللہ لاکھیر کے مطابق ڈکیت پکڑنے کی کوشش کے دوران ڈاکوؤں نے ایس ایچ او محراب پور میر امداد تالپر اندھا دھند فائرنگ کی ہے جس میں وہ پیٹ اور ٹانگ میں گولی لگنے سے شدید زخمی ہوگئے، انہیں نواب شاہ منتقل کیا گیا ہے۔
، پولیس ڈاکوؤں کے تعاقب میں ہے،ڈاکو کوبری مانیئر پر کار چھوڑ کر فرار ہوگئے ہیں ، دوسری طرف ایس ایس پی نوشہرو فیروز عبدالقیوم پتافی نے جائے و قوع کا دورہ کیا ،صحافیوں سے مختصر بات چیت میں انکا کہنا تھا کہ ڈاکوئوں اور انکے سرپرستوں کو جلد گرفتار کرلیا جائے گا اور ملزمان کے متعلق پریس کانفرنس کرکے بیان جاری کیا جائے گا۔