بنگلہ دیش نے آئرلینڈ کو تیسرا  ون ڈے ہرا کر سیریز جیت لی 

لاہور(سپورٹس ڈیسک )بنگلہ دیش نے آئرلینڈ کو تیسرا ون ڈے میچ دس وکٹوں سے ہرا کر سیریز دوصفر سے جیت لی۔ مہمان آئرش ٹیم 101رنز پر ڈھیر ہوگئی ۔ صرف دو کھلاڑی ڈبل فگر میں داخل ہوسکے ۔ کرس کیمفر 36رنز بناکر نمایاں رہے ۔ مین آف دی میچ حسن محمود نے پانچ کھلاڑیوں کو آئوٹ کیا ۔ بنگلہ دیش نے ہدف بغیر کسی نقصان کے 13.1اوورز میں پورا کرلیا۔ کپتان تمیم اقبال 41اور لٹن داس 50رنز پر ناقابل شکست رہے ۔ایک میچ بارش کی نذر ہوگیا تھا۔