یوم پاکستان کے موقع پر نمائشی فٹبال میچ پنجا ب اکیڈمی نے جیت لیا

لاہور ( سپورٹس رپورٹر) سپورٹس بورڈ پنجاب کے زیراہتمام یوم پاکستان کے موقع پنجاب سٹیڈیم میں پنجاب فٹبال اکیڈمی اور پاک لینڈ اکیڈمی لاہور کے درمیان نمائشی میچ کھیلا گیا۔ پنجاب اکیڈمی نے پاک لینڈ اکیڈمی کو 6 کے مقابلے میں 7 گول سے شکست دیدی۔سیکرٹری سپورٹس پنجاب شاہد زمان اور ڈائریکٹرجنرل سپورٹس پنجاب محمد طارق قریشی میچ کے مہمان خصوصی تھے۔ شاہد زمان نے کہا کہ یوم پاکستان تجدید عہد کا دن ہے،قرارداد پاکستان کا حاصل قیام پاکستان ہے، سپورٹس ڈیپارٹمنٹ تمام کھیلوں کی ترقی کیلئے بھرپور کام کر رہا ہے،کھلاڑیوں کیلئے کھیلوں کا جدید سہولیات سے آراستہ انفراسٹرکچر بنایا گیا ہے جس سے کھلاڑیوں کے کھیل میں نکھار آئے گا۔ڈائریکٹرجنرل سپورٹس محمد طارق قریشی نے کہا کہ یوم پاکستان کے موقع پر فٹبال میچ کا انعقاد خوش آئند ہے،سپورٹس کی ترقی کیلئے بھرپور اقدامات کیے جارہے ہیں، بہترین کھیل پیش کرنے پر دونوں ٹیمیوں کو مبارک باد پیش کرتاہوں۔