دی ہنڈرڈ ڈرافٹ‘، بابر اعظم  شائقین کے پہلی چوائس

لاہور(سپورٹس رپورٹر)دی ہنڈرڈ کی آرگنائزنگ کمیٹی نے ڈرافٹنگ کیلئے مداحوں کے ساتھ مقبول ترین کھلاڑیوں کا تعین کرنے کیلئے ایک سروے کیا، جس میں کھلاڑیوں کی شہرت کا اندازہ لگایا گیا ہے، ٹوئٹر پر آرگنائزنگ کمیٹی نے پوسٹ شیئر کی جس میں حیران کن طور پر قومی کرکٹ ٹیم کے کپتان بابراعظم کو مداحوں نے 25فیصد ووٹ دیکر سرفہرست بنوایا،شاہین آفریدی 8فیصد، محمد رضوان 4فیصد مداحوں کے ووٹ حاصل کرنے میں کامیاب ہوسکے،دی ہنڈریڈ ٹورنامنٹ میں بابراعظم، شاہین آفریدی اور محمد رضوان کی بولی کم از کم ایک لاکھ یورو یعنی (2کروڑ 76لاکھ سے زائد پاکستانی روپے)میں لگنے کا امکان ہے، فاسٹ بائولر محمد عامر، حارث رئوف اور نسیم شاہ 60,000پائونڈ یعنی (22لاکھ سے زائد پاکستانی روپے)کی ریزرو قیمت پر ڈرافٹنگ میں شامل ہوں گے۔ پاکستان کی 8ویمنز کرکٹرز نے بھی ہنڈرڈ لیگ کیلئے رجسٹریشن کروائی ہے، جن میں فاسٹ بائولر ڈیانا بیگ دوسرے نمبر پر مہنگی ترین کھلاڑی ہیں۔ جویریہ رئوف 18,750پائونڈ کی ریزرو قیمت کیساتھ ڈرافٹنگ کا حصہ ہیں،ارم جاوید، ندا ڈار، فاطمہ ثنا، عروج شاہ، منیبہ صدیقی اور ماہم طارق نے بھی اس مسودے کے لیے دستخط کیے ہیں جس کی کوئی ریزرو قیمت نہیں ہے۔