مرد کاندار کو سالانہ کم از کم 1200 روپے ٹیکس،   6 شہروں میں لازمی رجسٹریشن کا نوٹیفکیشن جاری

اسلام آباد (نمائندہ خصوصی) فیڈرل بورڈ آف ریونیو نے نجی سکولوں، ہسپتالوں، بڑے پرچون فروشوں، ہوٹلوں، فٹنس سینٹرز سمیت درجنوں کاروباروں کے لیے پوائنٹ آف سیل سسٹم یکم جولائی 2024ء سے لازمی قرار دے دیا ہے۔ ایف بی آر نے اس سلسلے میں روز ایس آر او 428 (I)/2024 جاری کر دیا۔ ایس آر او کے تحت پوائنٹ آف سیل سسٹم کیلئے کاروباری اداروں کو ایف بی آر کے منظور کردہ سافٹ ویئر اور ہارڈ ویئر نصب کرنا ہوں گے۔ دوسری جانب ایسی ڈیوائسز فروخت کرنے والے وینڈرز سے کہا گیا ہے کہ وہ لائسنس کے حصول کے لیے ایف بی ار کو درخواستیں دیں۔اس سے پہلے پوائنٹ آف سیلز سسٹم نصب کرنے کی ذمہ داری صرف بڑے پرچون فروشوں اور مخصوص بڑے کاروباروں پر ہی عائد ہوتی تھی۔ تاہم اب درجنوں پروفیشنل سروس پرووائڈرز، ہیلتھ کیئر پرووائڈرز، ریٹیلرز بشمول مینوفیکچرر، کم ریٹیلرز، ہول سیل، ریٹیلرز، امپورٹ کم ریٹیلرز کو ان کاروباروں کی فہرست میں شامل کر دیا گیا ہے جہاں پوائنٹ آف سیل لازمی ہے۔ ایف بی آر نے فارن ایکسچینج کمپنیوں، کلبز، نجی تعلیمی اداروں نجی ہسپتالوں، ریسٹورنٹس، ہوٹلز، گیسٹ ہاؤسز، شادی ہالوں، کوریئر سروسز، بیوٹی پارلرز، ہیلتھ کلبز، میڈیکل سروسز لیبارٹریوں، چارٹرڈ اکاؤنٹنٹس اور پرچون فروشوں کو ہدایت کی ہے کہ وہ اپنی تنصیبات پر پوائنٹ آف سیل نصب کریں جو ایف بی آر کے نظام سے منسلک ہو گا۔ جن کاروباروں کو پوائنٹ آف سیل نصب کرنے کے لیے کہا گیا ہے ان میں سڑک کے ذریعے انٹرسٹی سفر کی سہولت فراہم کرنے والے ٹرانسپورٹرز بھی شامل ہیں۔ اس کے علاوہ ایسے فوٹوگرافرز، ویڈیو گرافرز اور ایونٹ مینجرز پر بھی اس نئے قانون کا اطلاق ہو گا جو 50 ہزار سے زائد فی ایونٹ فیس لیتے ہیں۔ اس سے کم فیس لینے والوں پر نئے قانون کا اطلاق نہیں ہو گا۔ طب کے شعبے میں دندان سازوں، پلاسٹک سرجنز، جانوروں کا علاج کرنے والے طبی ماہرین، ایکس رے لیبارٹریوں سمیت ہر طرح کے ایسے طبی ادارے کو پوائنٹ آف سیل نصب کرنا ہوگا جہاں 500 روپے سے زائد فیس لی جا رہی ہے۔ نجی سکولز، کالجز، جامعات، پروفیشنل انسٹیٹیوشنز اور ووکیشنل ٹریننگ سینٹرز کے بارے میں کہا گیا ہے کہ ان اداروں پر پوائنٹ آف سیلز کی تنصیب لازمی ہے جہاں پر فی بچہ ایک ہزار روپے سے زائد فیس وصول کی جا رہی ہے۔ جہاں فی بچہ فیس ایک ہزار روپے سے کم ہے وہاں پر پوائنٹ آف سیلز کی تنصیب لازمی نہیں۔ ایف بی آر نے ان کاروباروں کا ذکر بھی کیا ہے جہاں پر پوائنٹ آف سیلز درکار نہیں ہوگی۔ 45 مربع فٹ سے کم جگہ پر قائم نان اے سی ہوٹلز اور چھوٹے نان اے سی ریسٹورنٹس فار پوائنٹ آف سیلز نصب کرنے کی ضرورت نہیں ہو گی۔ وہ چھوٹے ریٹلرز بھی اس نئے قانون سے مستثنیٰ ہیں جہاں پچھلے 12 مہینے میں بجلی کا مجموعی بل 12 ہزار سے کم آیا ہو۔ جن بیوٹی پارلرز، کلینکس اور مسائل سینٹرز میں ایئر کنڈیشنر مس نہیں انہیں بھی پوائنٹ آف سیلز کی تنصیب کے قانون سے اس میں ہو گا۔