زندہ قومیں اسلاف کی قربانیوں کو اپنی نئی نسل میں منتقل کرتی ہیں:ڈاکٹر سعید احمد 

لاہور(نیوز رپورٹر) قومی دن قوموں کی تاریخ میں بہت اہمیت رکھتے ہیں۔ زندہ قومیں اپنے اسلاف کی قربانیوں کو نہ صرف یاد رکھتی ہیں بلکہ اسے امانت کی صورت اپنی نئی نسل میں منتقل بھی کرتی ہیں۔ ان خیالات کا اظہار مختلف مقررین نے یوم پاکستان کے موقع پر ایک تقریب سے خطاب کرتے ہوئے کیا۔ مہمان خصوصی ڈاکٹر سعید احمد قادری نے کہا کہ قرارداد پاکستان کی طرح اس وقت بھی عزم صمیم کی ضرورت ہے۔ محمد حامد سعید ، ارفع عاربی ، اشتیاق قادری، زین نوید اور محمد امجد نے بھی اظہار خیال کیا۔