حسن ابدال (نامہ نگار) عابد علی ولد نذیر سکنہ تحصیل حسن ابدال نے تھانہ صدر حسن ابدال پولیس کو درخواست دیتے ہوئے بتایا کہ میراچھوٹا بھائی امداد حسین روزگار کے سلسلہ میں بیرون ملک مقیم ہے جس کے بیٹے میرے ساتھ رہائش پذیر ہیں گذشتہ روز میرا چھوٹا بھتیجا اویس جس کی عمر تقریبا 7سال ہے اشرف سکنہ دیہہ کے گھر دیسی گھی لینے کے لیے گیا جب وہ کافی دیر تک واپس نہ آیا تو اسکی تلاش میں بڑے بھتیجے کے ہمراہ میں گھر سے نکلا جب ہم مکان شاہ حسین کے قریب پہنچے تو مجھے میرے بھتیجے کے چلانے کی آواز آئی میرے کافی دیر تک دروازہ کھٹکھٹانے کے بعد میرا بھتیجا شاہ حسین کے گھر باہر آیا اور بتایا کہ جب میں شاہ حسین کے گھر کے قریب پہنچا تو اس کے بیٹے محمد آریان نے مجھے دوکان سے کھانے پینے کی اشیاء لے کے دینے کا کہا دوکان بند ہونے کی وجہ سے موٹر سائیکل صاف کرنے کے بہانے اپنے گھر کی بلائی منزل پر لے گیا اور مجھے زبردستی زیادتی کا نشانہ بنا یا۔