گوجرخان (نامہ نگار)سید شیخ عبدالقادر جیلانی ؒ کی تعلیمات مسلمانوں کیلئے مشعل راہ ہیں آپ نے ہمیشہ سچ بولا اورہمیشہ سچ بولنے کی تلقین فرمائی ان خیالات کااظہار مرکزی جامعہ مسجد شیخ عبدالحکیم حیاتسر روڈ میں گیارہویں شریف کی روح پرور محفل سے خطاب کرتے ہوئے گوجرخان کے ممتاز عالم دین صاحبزادہ پیر خبیب احمد چشتی نے کیا انہوں نے کہا کہ اولیاء کرام میں ایک ایسی عظیم ہستی کا نام ہے جوہمارے دل ودماغ میں گونجتا ہے جس کے کارہائے نمایاں قیامت تک ان کی یاد دلاتی رہے گی یہ عظیم ہستی شیخ عبدالقادر جیلانی ؒ کی ہے آپ پیدائشی ولی تھے آپ چالیس سال تک عشاء کے وضو سے فجر کی نماز کی ادائیگی کی دین کی ترویج اور ترقی کے لیے ضروری ہے کہ ہم سب شیخ عبدالقادر جیلانیؒ کے نقش قدم پرچلیں تقریب سے امام مسجد حافظ سید علی ندیم بخاری شیخ خلیل احمد نے بھی خطاب کیاجبکہ قاری حسنین وارثی نے نعت و منقبت پیش کرنے کی سعادت حاصل کی۔