پاکستان ہاکی فیڈریشن کا عالمی لیگ کیلئے 26 کھلاڑیوں کا اعلان

لاہور (سپورٹس رپورٹر) پاکستان ہاکی فیڈریشن نے 29 جون سے ملائیشیا میں شروع ہونے والی ہاکی ورلڈ لیگ کی تیاری کے لئے قومی ٹیم کے 26 ممکنہ کھلاڑیوں کے ناموں کا اعلان کر دیا ہے۔ تمام کھلاڑی 29 مئی کو ایبٹ آباد کے ہاکی سٹیڈیم میں ٹیم مینجمنٹ کو رپورٹ کرینگے۔ تربیتی کیمپ کا پہلا مرحلہ 15 جون کو اختتام پزیر ہوگا جبکہ دوسرے مرحلے میں قومی کھلاڑیوں کا کیمپ 18 جون سے ہاکی کلب آف پاکستان سٹیڈیم کراچی میں لگے گا۔ ٹیم مینجمنٹ کی سفارش پر کیمپ میں بلائے گئے 26 کھلاڑیوں میں عمران شاہ، عمران بٹ، محمد عمران، ایم رضوان سینئر، فرید احمد، راشد محمود، محمد وقاص، شفقت رسول، عبدالحسیم خان، محمد عتیق، وسیم احمد، محمد کاشف علی،شکیل عباسی، محمد عرفان، ایم سلمان حسین، طلال خالد، سید سبطین رضا، عامر شہزاد، محمد عمران جونیئر، مزمل اسحاق بھٹی، عاشف علی، ارسلان قادر، محمد زبیر، زوہیب اشرف، یاسر شبیر اور ایوب علی شامل ہیں۔