مشل، اوباما کا جوڑا مقبولیت میں نمبر ون

واشنگٹن (اے پی اے) امریکی جریدے فوربز کی مرتب کردہ فہرست میں امریکی جوڑے کو یہ اعزاز دیتے ہوئے کہا گیا کہ 67 فیصد امریکی شہری خاتون اول مشل اوباما کے حق میں ہیں اور وہ اپنے شوہر سے بھی زیادہ مقبول ہیں۔ فہرست میں بل گیٹس اور ملینڈا گیٹس کو دنیا کا دوسرا طاقتور ترین جوڑا قرار دیاگیا ہے۔ 67 ارب ڈالرز کے ساتھ بل گیٹس امریکہ کے سب سے امیر ترین شخص بھی ہیں امریکی گلوکار جے زی اور ان کی سنگر بیوی بیونسے کو اس فہرست میں تیسرا نمبر دیا گیا ہے۔ چین کے نومنتخب صدر ژائی جن پنگ اور ان کی اسٹائلش اہلیہ پینگ لیوآن کو دنیا کا چوتھا طاقتور ترین جوڑا قراردیا گیا ہے جبکہ پانچویں نمبر پر ہالی ووڈ پر راج کرنے والے جوڑے بریڈ پٹ اور انجلینا جولی براجمان ہیں۔ چھٹے نمبر پر ایک ہم جنس جوڑا پرورشیا ڈی روسی اور ایلن ڈی جینرز ہیں۔