فرنچ اوپن ٹینس ٹورنامنٹ : فرانس کے گلزسیمن، سپین کے فرنینڈو نے میچ جیت لئے

پیرس (سپورٹس ڈیسک) پیرس میں جاری فرنچ اوپن ٹینس ٹورنامنٹ کے پہلے راؤنڈ کے میچ میں فرانس کے گلز سیمن نے برازیل کے روگیریو ڈیوٹرا سیلوا کو شکست دیدی۔ دریں اثناء سپین کے فرنینڈو ورڈیسکو نے امریکی کھلاڑی سٹیو جانسن کو ہرا دیا۔ خواتین کے سنگل مقابلوں میں فرانس کی کیرولینا گورسیا نے یوکرائن کی پسزیا تسرینکو کو شکست دیدی جبکہ رومانیا کی سیمونا ہلیپ نے جاپان کی ناؤ ہیبنو کو ہرا دیا۔ علاوہ ازیں روس کی سیویتلانا کزنیٹووا نے قازقستان کی پرو سولوا شیویڈووا کو شکست سے دوچار کیا۔